Padayon ang pagbaylohanay sang lupok sa tunga sang 79th Infantry Battalion sang Philippine Army kag remnants sang Northern Negros Front sang New People’s Army sa Sitio Pinyahon, Brgy Minautok, Calatrava, Negros Occidental subong nga aga.
Sa interview sang Bombo Radyo Bacolod kay 1st Lt Fevie Fajardo, civil military officer sang 79th IB, nag-umpisa kaina alas- 8:30 ang pagbaylohanay sang lupok nga tubtob sa karun nagapadayon pa.
Suno diri, pito ka NPA ang nagabato sa militar kag may ginpadala na para mag-assist sa mga pumuluyo nga malapit sa encounter site para mag-evacuate.
Tatlo na ka semana nga ginsundan ang mga NPA nga amo ang mga suspek sa natabo nga pagpamatay sa ciudad sang Escalante.
Suno kay Fajardo, sa inisyal nga impormasyon, ang pito ka NPA gina-alegar nga grupo ni Roger Fabillar alias Arnel Tapang ukon Jhong ukon Nono.
