Nakahanda na ang deployment sang Bacolod City Police Office sa pagbantay sang seguridad sang mga pasahero nga magabiyahe kag magadagsa subong nga Miyerkules Santo.
Sa interview sang Bombo Radyo Bacolod kay BCPO Director Police Col. Eugene Rebadomia, may yara sila sang ideploy nga 160 ka personnel sa police assistance desk nga ipahamtang sa tourist destination, simbahan, terminals kag ports.
Suno kay Rebadomia, magluwas sa mga kapulisan may yara sang mga force multipliers nga magadugang sa ila pwersa, nga magasiguro sa seguridad sang mga tumuluo nga magaupod sa mga aktibidad sang Simbahan Katoliko.
Panugyan ni Rebadomia sa mga tumuluo nga magaupod sa mga aktibidad sang simbahan ukon magkadto sa mga tourists destinations nga likawan nga magdala sang mga matalum nga butang.
Dugang pa sini nga likawan ang pagdala sang mga malahalon nga gamit, kag dapat siguruhon nga nasirad-an ang mga balay antes bayaan agud indi mabiktima sang mga kawatan.
