Nagsugod na subong nga adlaw ang code red sang Bureau of Fire Protection para sa pag-obserbar sang Semana Santa.
Sa inteview sang Bombo Radyo Bacolod kay Fire Officer 1 Paul Servano, nagapadayon ang ila nga deployment kag medyo tawhay pa humalin sang Domingo bangud wala pa nagdugok ang mga nagabiyahe agud magpauli sa ila tagsa ka lugar.
Bangod ginalauman na ang pagduging sang mga returning local residents kag local tourist sa mga pantalan, sila ang may-ara man sang standby medics nga mahimo mapalapitan, samtang magadeploy man sila sang ambulansya.
Nagdangat naman sa 117 naman ang personnel sang Bacolod City Fire Station ang igadeploy kag bisan ang mga non-uniformed personnel sang BFP ang gindeploy man.
Nakahanda naman kag ginfull tank naman ang mga fire trucks sa bulig sang Local Government Unit kag pati man ang mga special rescue force kag fire volunteers ang yara man nga magabantay agud masiguro nga malinong kag matawhay ang pagobserbar sang Semana Santa.
