Wala madayon ang pagpatigayon sang bidding para sa Negros Occidental Bulk Water Supply Project kahapon, Hunyo 27, bangud sa pag-ayo sang mga bidders.
Santo sa pahayag ni Negros Occidental Acting Provincial Administrator Atty. Alberto Nellas Jr. nga naghingyo ang mga bidders nga hatagan pa sila sang dugang nga tion agud maka-preparar sang mas maayo nga bid proposal para sa proyekto.
Apat ang nagpadala sang written manifestation para sa extension samtang ang iban ang nagpabutyag paagi sa ila nga virtual data room.
Suno kay Nellas, ginreset ang pagpatigayon sang bidding sa Oktubre 28, 2024.
Bukas man ang provincial government kun may yara pa sang magapasakop sa bidding process.
Suno diri, may isa ka bidder nga nagpatunda nga luyag sini madayon ang bidding kahapon apang sang wala ini mag-drop sang bid, gintugyan na lang ang request sang iban nga bidders.
Samtang City Government sang Silay ang wala pa naghatag sang Resolution of No Objection ukon RONO bangud ang Imbang river ang pagakuhaan sang tubig sa bulk water project kasubong man ang Malogo river.
Ang Silay City Water District ang nagpahayag naman nga magakuha sang water supply sa Negros Occidental Bulk Water Supply Project.
