Nagresign ang bise-alkalde kag mga konsehal sa ciudad sang Victorias sa Partido Demokratiko Pilipino (PDP).
Ang letter para sa “irrevocable resignation” ang ginpadala kay PDP President Jose Alvarez kag pirmado nanday Vice-Mayor Abelardo Bantug III kasubong man sang mga konsehal nga sanday Francis Frederick Palanca, Teresita Bartolome, Deilen Hofileña, Hermie Millan, Dino Jose Maria Acuña, Dexter Senido, Danilo De Asis Jr., Joji Larraga, kag Audie Malaga.
Ini kasunod sa pahayag ni PDP Negros Occidental Council President kag Deputy Secretary General for Visayas Atty. JV Hinlo nga mahimo nga si former Victorias City Mayor Wantan Palanca ang ila nga iduso nga magpapili bilang gobernador.
Ang desisyon ang ginapahayag nga wala sang konsultasyon nagikan sa mga miyembro.
Gina-ugyunan sang mga ini ang nangin pahayag ni Mayor Javi Benitez nga ang governance style kag mga desisyon ni Palanca sang ini ang nagapungko pa sa pwesto ang wala nagasanto sa dereksyon sa karun sang ciudad sang Victorias.
Panindugan sang mga opiyales nga ang desisyon sang pamunuan sa DPD ang inconsistent kag wala sa linyada sa ila prinsipyo sa pagserbisyo sa mga pumuluyo.
