Nagpatigayon sang turn-over ceremeny ang Bureau of Jail Management and Penology (BJMP) Handumanan sang balay nga ila gin-award sa isa ka Person Deprived of Liberty (PDL).
Sa interview sang Bombo Radyo Bacolod kay Jail Superitendent Abner Zamora, District Jail Warden sang BJMP-Handumanan, nagdihon ini sang isa ka programa nga kada anum ka bulan, sila ang magapili sang isa ka PDL nga ila patukoran sang balay.
Suno diri, ila nakita nga madamo sang PDL ang wala sang puluy-an nga kun kaisa amo ang isa sa rasun sang pagsulod sa bisyo.
Nagapati si Zamora nga ang pagpatukod sang balay para sa PDL ang makabulig sa ila sa pagbag-o nga sa tion nga sila ang makagwa, sila ang may balay nga pulian.
Dugang pa sini, ini ang simbolo nga ang BJMP nagabaton sa mga Persons Deprived of Liberty, gani nagpanugyan ini nga sila man ang batunon sa pagbalik nila sa sosyodad.
Samtang naghilibion bangod sa tuman nga kalipay ang iloy sang PDL nga ginpatukoran sang balay sang Bureau of Jail Management and Penology (BJMP) Handumanan.
Sa interview sang Bombo Radyo kay Febby Aguilar, indi na sini kinahananglan pa nga magbakwit sa iya kaingod sa tion nga may yara sang bagyo kag mangin maayo na ang pagtulog sini.
Suno diri, ginalauman sini nga sa paggwa sang iya bata, ini ang magbag-o na nga nakahibalo man ini bilang iloy nga ang iya bata ang isa ka mabuot nga tawo.
