Naeksperyensyahan sa bug-os nga Cuba ang lapnagon nga blackout bangud sa padayon nga krisis sa suplay sang langis kag paghuyang sang power grid sang pungsod.
Suno sa state-run Electric Union, gina-imbestigaran pa ang rason sang blackout samtang gilayon nga ginpatuman sang Ministry of Energy and Mines ang mga tikang agud mabalik ang suplay sang kuryente.
Suno naman sa Energy Ministry nga nagaandar pa ang pila ka mga microsystems agud masiguro nga padayon ang operasyon sang mga importante nga serbisyo.
Humalin pa sang Enero, nagalala na ang kakulang sang langis sa Cuba, kasunod sang pamahog sang Estados Unidos nga magpatuman sang taripa sa mga pungsod nga magasuplay sang langis sa isla.
Apektado ang pampubliko nga transportasyon, linibo nga mga operasyon sa ospital, dugang pa, nagapatuman ang gobyerno sang malawig nga rotational brownout.
Suno sa gobyerno, madasig nga naubos ang langis nga naggikan sa Russian tanker sang Marso.
Ginbasol naman ni Cuban President Miguel Diaz-Canel ang Estados Unidos sa paglala sang krisis sa enerhiya sa ila pungsod.
