Nalakip ang first-time candidates nga sanday Blake Griffin kag Candace Parker sa 21 ka mga finalist nga pilian sa Naismith Basketball Hall of Fame nga kabahin sang 2026 class.
Sa announcement sang organisasyon nga listahan sang mga finalist, nagabalik si Doc Rivers.
Yara man ang dugang nga player nominees nga sanday Amar’e Stoudamire, Elena Della Donne kag Kevin Johnson, upod sa kabug-usan nga 1996 United States Women’s National Team.
Magluwas kay Rivers, ginalakipan man nanday Mark Few, Kelvin Sampson kag Mike D’Antoni ang coach finalists nga ginakonsiderar sang contributors committee.
Nagaisahanon si Joey Crawford nga non-player/coach sa listahan.
Nangin NBA referee ini halin 1977-2016.
Botohan sang honors committee sang Hall of Fame ang finalists kag i-anunsiyo ang inductees sa Final Four weekend sa April 4.
