Sulod na sa una nga pwesto sa listahan sang “10 Stunning Beaches in Asia for 2025” sang NDTV, isa sa pinakasikat nga website sa India ang isla sang Boracay kun sa diin liwat nga ginpamatud-an sini nga ini ang isa ka world-class nga destinasyon nga ginapalangga sang mga turista nagikan sa nagkalain-lain nga bahin sang kalibutan.
Ang tumalagsahon nga katahom sang Boracay ang padayon nga nagakuha sang atensyon sang mga turista kag ginahimo ini nga isa ka indi makalimtan nga eksperyensya sa tagsa ka pagbisita kag nagapakita sang mas mapag-on nga turismo agud nga padayon nga pagumwad sang ekonomiya sang probinsya sang Aklan.
Kaangot sini, pamatuod diri ang pagpabilin sang linibo ka tourist arrival sa sulod lamang sang duha ka semana sa bulan sang Marso kun sa diin nakarecord ang Malay Tourism Office sang kabug-usan nga 82,156 tourist nga nagbisita sa Boracay humalin sang Marso 1 tubtob 15, 2025.
Sa nasambit nga numero 64,615 diri ang domestic; 1,047 ang overseas Filipino samtang 16,494 naman ang foreign tourist.
