Opisyal na nga nagmartsa ang Breakout star nga si Alex Eala sa iya Grand Slam main draw debut.
Nangin kabahin si Eala sang 104 direct entries sa 2025 French Open sa Mayo 19 tubtob Hunyo 8 sa Paris.
Ang 19 anyos nga Filipina athlete yara sa karun sa ika- 72 nga rank sa Women’s Tennis Association kun sa diin top 100 players lang ang may direct invite sa Grand Slam kag W1000 tourneys kalakip na ang Roland Garros bilang kabahin sang four annual tennis majors.
Sang tinalikdan, nakasulod lamang si Eala sa Grand Slam bilang wildcard kag sa qualifying rounds lamang.
Nagpanguna naman sa star-studded cast sang French Open sanday World No. 1 Aryna Sabalenka sang Belarus, reigning champion kag No. 2 Iga Swiatek sang Poland, kasubong man si No. 3 Jessica Pegula sang United States.
Sa karun si Eala ang una nga Pilipina nga WTA semifinalist kag pinakauna nga maka-beat sa tatlo ka Grand Slam champions kalakip na ang duha ka Top-5 players.
Si Eala man ang ikaduha nga wildcard nga nakalutos sa tatlo kag iban pa nga Grand Slam champions sa single tour-level event kasunod kay Elina Svitolina sang Ukraine sa Wimbledon 2023 kasubong man ang third wildcard semifinalist kasunod kay Justine Henin sang Belgium sa 2010 kag Victoria Azarenka sang Belarus sang 2018.
