Ano ang ginaubra mo kun ikaw ang maheart broken? ang iban naga jogging, nagalangoy kag ang iban ang naga-inum sang makahulubog nga ilimnon.
Sa China, isa ka lalaki ang nakita na matapos ang anum ka adlaw nga paglakat sa kabukiran nga wala sang dala ngaa pagkaon, tubig, ukon cellphone.
Suno sa report, ginhimo niya ini bangud desperado na siya nga makalimtan ang pagseparar nila sang iya nga nobya.
Ginkilala ang lalaki kay Xiaolin, nga naghalin sa iya apartment sa Hangzhou sang Hunyo 20.
Nakit-an ini sang Hunyo 26 matapos nasiplatan sang surveillance camera sa isa ka parke sa isa pa ka distrito.
Suno sa report sang pulis, halos 40 kilometros ang ginlakat ni Xiaolin.
Agud mabuhi, nag-inom siya sang tubig sa mga sapa kag nagkaon sang mga prutas kag pagkaon nga makita malapit sa mga balay sa tiilan sang bukid.
Gin-ako ni Xiaolin nga ginhimo niya ini agud malipatan ang kasakit sang ila pagbulagay sang iya nobya.
Sa subong, nangin maayo na ang kahimtangan ni Xiaolin kag naga-amat-amat na ini nga nagabalik ang maayo nga lawas.
