Ginpahayag sang pinuno sang Bacolod Traffic Authority Office nga naka-eksplekar na ini sang iya nga bahin kag bukas ini nga magbaton sang kritisismo kag correction sa bisan ano nga oras.
Sa interview sang Bombo Radyo kay BTAO head Patrick Leonard Lacson, bukas ini sa pagbaton sang iya sala kag konsekwensya sa iya nga nahimo.
Suno diri, naintindihan kag ginarespeto sini kun dismayado si Bacolod City Mayor Alfredo Albee Benitez sa memo sini nga ginpagwa nga nagamando sa mga traffic enforcers nga dapat may yara sang lima ka apprehensions ang kada isa ka personnel kada adlaw.
Dugang pa sini, kun ano ang luyag sang alkalde, pagasundon lamang sini bangod nga si Benitez ang ginakabig sini nga iya nga boss.
Samtang, mensahe naman sini amo nga wala sang tawo nga perpekto, kaangay sa mga nagatrabaho sa gobyerno nga dapat may bukas nga paminsaron kag wala sang tinikal nga matabo.
Sa bahin naman sa post sini sa social media, gin-athag sang BTAO head nga wala ini sang may ginapabati-batian kag ang mensahe ang para sa kaugalingon niya mismo.
