Ginklaro sang Officer in Charge sang Bacolod Traffic Authority Office (BTAO) nga wala sang lamod politika ang indi pagrenew sang 45 ka mga traffic enforcers subong nga 2024.
Sa interview sang Bombo Radyo Bacolod kay Patrick Leonard Lacson, wala sang rasun nga paluson nila ang mga traffic enforcers bangod lamang sa political views.
Panindugan sini nga madamo sang mga traffic enforcers nga maathag nga nagasuporta sa lain nga partido luwas sa administrasyon apang ang mga ini ang yara gihapon sa serbisyo.
Suno kay Lacson, angot sa trabaho ang rasun sa indi pagrenew bangod luyag nila nga ang pagserbisyo ang nagakadapat sa ginapasweldo sang publiko.
Pahayag sini nga sa 45 ka job order casual, ang ciudad ang nagapagwa sang P450,000 agud ipasweldo kada bulan.
Paathag sini nga sila ang may qualification nga dapat mameet sang mga traffic enforcers, kag sila ang may-ara man sang incharge para sa assessment.
Pila sa mga wala ginrenew ang bangod wala makita sa ila area of assignment sa tion sang assessment.
May forum man ang BTAO kun sa diin ang mga nagasulod nga traffic concerns kag complaints ang ila nga gina-investigate agud ma-address.
Bangod sa nabuhin nga 45 ka traffic enforcers, ang anay 269 nga traffic personnel ang sa karun 224 na lamang.
Pasalig naman sini nga apisar nabuhinan sang tawo, indi maapektuhan ang ila nga pagserbisyo, apang dako nga bulig kun mabuslan ang 45 nga wala narenew.
