Buaya, ginpakaslan sang isa ka alkalde?

Ginpakasalan sang isa ka alkalde ang isa ka buaya bilang tradisyon sa lugar sa Oaxaca, Mexico.

Sa kasal, naka-all white pa ang buaya kun sa diin ginhalokan pa ini sang alkalde nga si Daniel Gutierrez.

Mahibaluan nga masobra sa 200 ka tuig na ini nga tradisyon sa ila lugar kun sa diin nagapakita ini sang koneksyon sang tawo kag sang kasapatan.

Sa wedding ritual ginakabig si mayor groom bilang hari sang ethnic group nga Chontal, samtang ang buaya naman ang prinsesa sang mga Huave.

Ang pag-upod sang alkalde kag sang buaya ginapatihan nga magadala sang maayo nga produksyon sang pananom kag madamo nga isda nga makuha sa dagat.