Ginpakita sa data sang Bureau of the Treasury (BTr) nga ang national government ang nakarecord sang P42.7 billion budget surplus sa bulan sang Abril subong nga tuig.
Apang ang nasambit nga budget surplus ang mas manubo sang P66.8 billon nga narecord sang pareho nga period sang tinalikdan nga tuig.
Suno sa Bureau of the Treasury (Btr), ang manubo nga surplus ang bangud sa madasig nga pagsaka sang paggasto sang gobyerno nga nakaapekto sang pagsanyog sa revenue collections.
Ang kabug-usan nga revenues sa nasambit nga bulan ang nagdangat sa P537.2 billion, nagsaka sang 21.90 percent kumparar sa P440.7 billion nga collection sang Abril, tinalikdan nga tuig.
Ang gasto sang national government sa karun ang nagdangat sa P494.5 billion, mas mataas sang 32.25 percent sa pareho nga period sang tinalikdan nga tuig.
