Ginpahayag sang Philippine Institute of Volcanology and Seismology (PHIVOLCS) nga indi pa mahambal kun tubtob san-o magapabilin ang alert level 3 status sang bulkan Kanlaon.
Sa interview sang Bombo Radyo Bacolod kay Mari-Andylene Quintia sang Kanlaon Volcano Observatory sa La Carlota City, kahapon may duha ka narekord nga ash emission event apang magagmay lamang.
Suno diri, padayon pa ang monitoring sa kondisyon kag activity sang bulkan bangod posible pa nga maliwat ang explosive eruption.
Suno diri, bangod nga yara sa alert level 3 ang status, may yara sang magmatic unrest sa bulkan.
Pahayag ni Quintia, kun magnubo ang parameters nga ginabantayan sa bulkan manubo man ang alert level pero kun padayon ang explosive eruption, posible nga magsaka pa sa alert level 4 ang status.
Panugyan sini sa tanan nga protektahan ang kaugalingon paagi sa paggamit sang facemask, paglimita sang outdoor activties kag pagsunod sa mga pahanumdom.
