Bulkan Kanlaon, nagbuga sang superheated plume nakaligad nga gab-i suno sa Phivolcs Kanlaon Volcano Observatory

Nagbuga sang superheated plume ang Bulkan Kanlaon sang Miyerkules, alas-6:41 sang gab-i tubtob alas-7:13 sang gab-i.

Sa interview sang Bombo Radyo kay Engineer Mari Andylene Quintia, Resident Volcanologist sang Kanlaon Volcano Observatory, mas mainit sa karun ang aso nga ginabuga sang bulkan.

Suno diri, nakit-an sa infrared camera nga masanag ang aso bangod sa tuman ka init nga temperatura sang bulkan.

Posible naman nga nagabuga man sang superheated plume ang bulkan kun aga apang indi makit-an bangod masanag ang adlaw.

Pahayag ni Quintia, posible nga nagasaka ang magma sa bulkan kag nagpaandam ini sa posibilidad sa liwat nga pagluntad sang explosive eruptions.