Nag-umpisa na ang preparasyon sang Bureau of Fire Protection (BFP) sa Western Visayas para sa nagahilapit nga UNDAS 2022.
Suno kay BFP 6 Regional Director Fire Senior Supt. Jerry Candido, naghatag na ini sang derektiba sa tanan nga BFP units sa Region 6 sa pagpatigayon sang rekodira.
Apang ini ang pinasahi sa ordinaryo nga rekorida bangod imbes nga once a day ukon once a week lamang ang pagpatigayon, sila ang duha ka beses sa isa ka adlaw nga nagabisita sa mga natumod nga fire prone ukon conducive Barangay’s.
Sa maabot nga Huwebes, Oktobre 27, ipaidalum na sa red alert status ang tanan nga BFP Units sa bilog nga rehiyon tubtob na sa Nobyembre 2.
Nakaplastet naman ang mga firefighting unit sa mga subjective locations agud nga mangin mas mahapos ang pagresponder inkaso may magluntad nga untoward incident.
Magluwas diri, ang BFP Region 6 ang may programa man sa pagseguro sang zero fire incident sa tion sang paghanduraw sang tigkalalag.
Ang programa ang may tagline nga “Pupunta kaba sa sementiryo, paano ang bahay mo? Nagawa mo ba ang mga ito?” kag ini ang ginasundan sang pila ka mga fire safety tips.
Paathag ni Candido nga gingamit nila ang teknolohiya kun sa diin may post ang mga ini sa facebook page sang kada fire stations lakip na ang BFP Region 6 nga may nakapagkit nga QR code.
Sa pagscan sang QR Code, automatic na nga maka-access ang mga pumuluyo sa nagkalainlain nga fire safety tips nga nagapahanumdom sa mga ini sa kun ano ang dapat ipreparar antes ang paghalin sa panimalay kag pagpadulong sa mga minatay.
Kalakip sa ginapanugyan kun magbiya sa balay kag wala sang mabilin nga tawo nga seguruhon nga naka-unplug ang mga wala na ginagamit nga appliances.
Dugang pa ni Candido nga isa sa mga prone area sa balay amo ang kusina, gani panugyan sang mga ini nga seguruhon nga naka-off ang LPG kag kun mahimo ibutang sa gwa sang balay ang LPG tank.
