May pila sa atun nga ang comfort food amo ang burger, apang makonsiderar mo pa ayhan nga comfort food ang burger kun sa presyo pa lang, mangluya kana?
Sa Spain, ang Asador Aupa restaurant ang nagabaligya sang pinakamahal kag exclusive nga burger sa bilog nga kalibutan nga nagabalor sang 11,000 US dollar ukon kapin P647,000.
Ang Asador Aupa isa ka Basque (BASK) restaurant sa Cabrera de Mar, Catalonia,Spain.
Ini ang gina-manage sang chef kag gastronomic influencer nga si Bosco Jiménez.
Nagdugay man sang walo ka tuig ang ila paghimo sang burgers antes ini na-perfect kag ang mga panakot sini ang wala ginapahibalo sa publiko, apang suno sa restaurant, ang presyo sini ang gin-base sa kalidad sang ingredients, tumalagsahon nga experience kag exclusivity.
Sa paghimo sang pinasahi nga burger, nagagamit sang rare nga mga karne kag mga cheese sa Europe kag may pinasahi nga sarsa nga nagagamit pa sang mahal nga ilimnon.
Limitado man ang produksyon sang pinakamahal nga burger.
Indi man tanan ang makabakal bangud magluwas sa mahal nga presyo, ginapili man ang ginahatagan sang tsansa nga makakaon sin nga ginapadal-an sang invitation.
