Wala na sang nabilin nga nastranded nga mga pasahero sa Bredco port matapos nga nagbalik na ang biyahe sang barko padulong sa Metro Manila.
Sa interview sang Bombo Radyo Bacolod kay Commander Jansen Benjamin sang Philippine Coast Guard Station- Northern Negros Occidental, tanan nga mga stranded nga pasahero ang nakabiyahe na matapos nga gincancel ang biyahe sang barko padulong sa Manila bangud ang Northern Metro Manila kag malapit nga lugar ang ginpaidalom sa Storm Signal bangud sa Bagyo Nika.
Suno kay Benjamin, ginhatagan na sang Coast Guard sang clearance ang mga barko agud nga makalayag na padulong sa Manila kagab-i.
Madumduman nga masobra sa 600 ka mga pasahero ang nastranded sa Bredco Port matapos nga ginkansela ang byahe padulong sa Manila bangod sa Bagyo Nika.
Nagpanugyan si Benjamin nga agud malikawan nga mastranded dapat tsekyaron gid ang Weather updates.
