Ginpahayag sang media relations officer sang Vallacar Transit Incorporated nga wala sang pagbag-o sa schedule sang byahe apang nangin madasig ang pag-dispatch sang bus kasunod sa pagdamo sang pasahero.
Sa interview sang Bombo Radyo Bacolod kay Jade Marquez, humalin alas- 9:30 kahapon sang aga, nagdagsa na ang mga pasahero sa Ceres terminal kag ginalauman nga mas madamo pa sang magabyahe subong nga adlaw.
Suno diri, ila man ginalauman nga liwat pa gid nga magdamo ang pasahero sa Dominggo, kun sa diin magabyahe na naman pabalik ang mga pasahero.
Nagpasalig naman ini nga, na-tsekyar ang mag bus units agud masiguro nga maayo ang kondisyon sa pagbyahe sini.
May yara man sang help desk nga nahamtang kag mga nurse nga nagatinir sa area para mag-assist, kun sa diin nagapatigayon sila sang pag-check sa BP sang pasahero ilabi na nga tuman ka init sang tiyempo kag sila man nagpatigayon sang random drug test.
