Pilason ang isa ka call center agent matapos ginbuno sa isa ka bar sa ciudad sang Bacolod kaina sang kaagahon, December 15, 2025.
Ginkilala ang biktima kay alyas Mike, legal edad, lalaki, call center agent kag residente sang Barangay Banago, Bacolod City.
Siya ang nakaagom sang pilas sa bibig kag sa likod nga gilayon man gindala sang katrabaho sini sa ospital.
Ang suspek ang ginkilala kay alias Rofel , 22 anyos, lalaki kag residente sang Barangay Villamonte, Bacolod City.
Sa inisyal nga imbestigasyon ginrespondehan sang personnel sang Bacolod City Police Station 2 kag nahibaluan nga ang suspek kag ang biktima ang naglalisay sa sulod sang establishmento.
Bangud sini ang suspek ang gin-alegar ginbuno ang biktima sang patalum.
Gilayon man nga naaresto sang bouncer sang bar ang suspek nga ginturn-over man sa nagresponde nga mga police personnel.
Sa karun ang suspek ang yara na sa kustodiya sang Bacolod Police Station 2 for proper disposition.
