Nagpagwa na sang statement si two-time Olympic gold medalist Carlos Yulo natuhoy sa mga issues nga nagapalibot sa iya pamilya.
Sa isa ka Tiktok video nga ginpost sini sang Martes, nagpanawagan si Yulo sa iya iloy nga si Angelica Poquiz Yulo nga magmove-on na sa nagliligad nga mga issues nga ginalakipan sang ginaalegar pagkuha sang iya mga incentives matapos nga nagdaog sa isa ka competition.
Suno diri, luyag niya lamang mahibaluan kun diin nagkadto ang kwarta nga iya ginpangabudlayan.
Suno sa iya, indi lamang ini P70,000 kundi anum ka digits bangud duha ka medalya ang iya nakuha.
Gindepensahan man sini ang iya nobya nga si Chloe San Jose nga gintawag sang iya iloy nga “red flag.”
Suno kay Caloy, may kaugalingon nga trabaho kag kwarta ang iya nga nobya kag ang iloy sini amu ang may access sa iya mga bank accounts.
Gin-ako man sini nga ang iya nobya ang isa sa mga rason sang ila problema sang iya iloy apang ginpakigbato sini ang iya naluyagan.
Nagpanawagan ini sa iya iloy nga magmove on kag magheal bangud madugay na niya ini nga napatawad.
