Pagpaidalom sa Rhinoplasty kag Blepharoplasty, libre?

Pila sa atun ang gusto pagid ma-enhance ang kagwapa ukon kagwapo gani nagatipon gid sang kwarta agud nga magpaidalom sa operasyon.

Apang sa Batangas, naghatag sang libre nga specialized healthcare services ang Local Government Unit kag Philippine Academy of Aesthetic Surgery sa Batangas Provincial Hospital.

Isa diri ang Rhinoplasty kag ang Blepharoplasty.

Ginpatigayon ang screening kag ang medical assessment sang Setyembre 17 kun sa diin ginpatigayon naman ang operasyon sang Setyembre 18.

Ang Rhinoplasty amo ang isa ka surgical procedure sa ilong nga naga-reconstruct sang korte sini, samtang ang Blepharoplasty naman ang isa ka procedure sa upper and/or lower eyelids.