Nagpaandam ang Catholic Bishops’ Conference of the Philippines nga ang tinutuyo nga liwat nga islan ang liderato sa Senado ang magatuga sang “public suspicion of a cover-up” sa tunga sang nagapadayon nga mga imbestigasyon sa korapsyon sa flood control projects.
Ginpahanumduman ni CBCP president kag Caloocan Bishop Cardinal Pablo Virgilio David ang mga mamalidha nga hugot nga nagabantay ang mga Filipino sa developments sang imbestigasyon sa gobyerno kag nagpaandam nga ang maskin ano nga pagbag-o sa Senate leadership ukon pagredirect sang mga imbestigasyon sa karun ang magapasanyog lamang sang suspicion sang publiko sang isa ka cover-up.
Nagpanawagan ini sa tanan nga public officials nga i-uphold ang integrity of investigations sa flood control corruption kun sa diin ginaalegar madamo nga mga politiko ang imbolbado lakip na ang mga Senador kag miyembro sang Kamara nga nagpanginwala man sa mga alegasyon batok sa ila.
