Nagpasalig ang pamunuan sang Central Negros Electric Cooperative (CENECO) nga antes paman ang pagpatigayon sang Masskara Festival nagpreparar na sila agud wala sang magluntad nga brown-out samtang ginapatigayon ang Masskara Festival 2022.
Suno kay Engineer Leo Jerez, Chief System Operation Division, CENECO, sa bahin sang electric cooperative nakahanda na sila sa pagpasiguro nga wala sang brown-out nga matabo.
Suno kay Jerez, sa tion sang Sabado kag Domingo may yara man sila sang ginapatigayon nga preventive maintenance sa linya sang Ceneco.
Ginpahayag sini nga kun may yara man sang brown-out nga matabo mahimo nga indi na ini sa bahin sang Ceneco kundi mahimo nga ini ang sa bahin na sang transmission lines kaangay sang National Grid Corporation (NGCP).
Suno diri ang mga boom trucks nga yara sa dalan Lacson, Bacolod Government Center kag pila ka bahin sang syudad nga ginbutang sang Ceneco agud kun may yara sang kinahanglan nga hilingagawon nga itroubleshoot sa linya sang Ceneco gilayon ini nga makay-o.
Ginapasalig sang Chief System Operation Division sang Ceneco, nga wala sang brown-out kun sa bahin lamang sang electric cooperative apang kun may yara man indi na ini kontrolado sang ila nga opisina.
Nagpanugyan man ini sa mga nakaeksperyensya sang power interruptions nga makig-angot lamang sa opisina sang electric cooperative.
