BACOLOD CITY — Wala ginpaslaw sang Ceres Negros Football Club ang home crowd matapos nga ila ginlutos ang Davao Aguilas FC sa nagapadayon nga Philippine Football League (PFL) 2017.
Nagdangat sa 2,461 ka mga fans ang nakasaksi sa pag-lutos sang Ceres Negros sa Davao Aguilas sa score nga 5-1 sa Panaad Park and Stadium kagab-i.
Ang nasambit nga match-up ang kabahin sang 2nd round sang eliminations sang PFL 2017.
Tatlo ka mga goals ang napasulod ni Fernando Rodriguez para sa Negos-based team nga gin dugangan sang tag-isa nanday Patrick Reichelt kag Bienvenido Marañon .
Samtang naka-isa naman si Anghel Guirado para sa Davao Aguilas.
Gindayaw naman sang head coach sang Davao Aguilas ang Ceres Negros kag aminado ini nga maayo gid ang mga players sini.
Samtang nagahingyo naman si coach Risto Vidacovic sang Ceres Negros nga mangin patas ang mga referee ini matapos ang iya naobserbaran nga pila ka mga indi husto nga ginhimo sang mga ini.
