Nagluntad ang tensyon sa tunga sang mga pumuluyo kag demolotion team sa Purok Santol Brgy Zone 15, Talisay City kaina sang aga.
Nahibaluan nga ang propiedad sa bahin sang Purok Santol ang ginapanag-iyahan sang pamilya Lacson kun sa diin gintukod ang Megaworld Corporation project.
Sa interview sang Bombo Radyo kay Punong Brgy Joemar Estrope, wala nagkulang ang brgy sa pagpahibalo kag pagremind sang mga pumuluyo antes ang demolition.
Ini bangud sang 2023 pa, nabaton na sang mga pumuluyo ang order of demolition.
Apang suno kay Estrope, naga-ayo ang mga pumuluyo nga sila ang hatagan sang tiyempo bangud wala man sila sang sayluhan.// Ini bangud, wala man ang mga ini naka proseso sang ila pagasaylohan.
Suno diri, indi magnubo sa 24 ka mga panimalay diri ang igademolish.
Dugang pa, wala siya sang ihibalo kun parte sa gihapon sa pagbakal sang Megaworld Corp ang area.
Suno diri, gintinguhaan man niya nga maayo nga ma-untat ang ang demolition apang suno sa iya, wala sila sang may mahimo bangud court order ang demolition.
Kaina sang aga, nakighinun-anon siya ang pumuluyo kasunod sa nabatian nga paglinupok sa lugar.
Ginpasalig naman sang Punong Brgy nga luwas ang mga ini.
Wala man ini sang ihibalo kun sin-o ang nagpalupok.
Nagalaum naman si Estrope nga ma-istorya niya si Talisay City Councilor Gelo Lacson, sa mga kapulisan kasubong man sa ciudad nga mabuligan ang mga pumuluyo.
Samtang, Ginkumpirmar ni Police Lieutenant John Patrick Linda, Deputy Chief of Police sang Talisay City Police Station nga may nabatian nga paglinupok samtang ginapatigayon ang demolition sa Purok Santol, Brgy Zone 15, Talisay City, kaina sang aga.
Sa interview sang Bombo Radyo kay Linda, padayon pa ang ila imbestigasyon angot sa insidente.
Suno diri, may ginpusasan man nga isa ka lalaki bangud ini ang gapanghaboy sang bato sa demolition team.
Wala naman sang may nasamaran sa insidente.// Sa ulihi, ginpahayag sini nga nagkooperar na ang mga pumuluyo.
Ginklaro naman ni Linda, nga yara ang presensya sang kapulisan sa lugar agud i-maintain ang peace and order samtang nagapadayon ang demolition.
Sa kaangot nga balita, nagahingyo ang mga pumuluyo sang Purok Santol, Brgy Zone 15, Talisay City nga ma-settle sila sa tag-iya sang duta.
Sa interview sang Bombo Radyo kay Purok President Arsenio Abelarde, sang Purok Santol, sang Dominggo, napahibalo na sila nga daan nga igademolish ang area apang wala man sila ginhatagan sang sayluhan.
Dugang pa, ang mga pumuluyo ang indi man maghalin sa lugar bangud sila ang Agrarian Reform Beneficiary (ARB) benefiaciary.
Suno diri, halin pa sang una, dira na sila ga-istar kag gaubra sa Hacienda Santol.
Suno kay Abelarde, masobra 50 hectares ang kalaparon sang duta.
Nagahingyo ini nga hatagan sila sang tiyempo bangud wala sila sang matulugan kag wala man sila ginhatagan sang kwarta agud ipatukod sang bag-o nga balay.
Nagapanawagan ini sa pamilya Lacson partikular na kay Talisay City Councilor Gelo Lacson nga tag-iya sang duta nga buligan sila kag atubangon man sila.
