Ginahingyo sang chairman sang Committee on Market and Slaughterhouse sa Bacolod City ang mga stall owners sa Manokan Country nga tumanon ang ila obligasyon sa pagbayad sang arrears santo sa ila compromised agreement.
Suno kay Councilor Celia Flor, sa meeting sang tinalikdan sang tinalikdan, may yara sang movement ang balayran sang mga stall owners sa Manokan Country magluwas lamang sa duha ka mga stalls.
Santo sa compromised agreement, kun duha ka asod-asod nga bulan nga indi maka-update sang ila arrears ang mga stall owners, may yara sang option ang ciudad nga sila ang siraduhan.
Nobyembre nagsugod ang ila first term gani may yara pa ang mga ini sang tubtob Disyembre 31 agud magbayad sang P20 mil tubtob P25 mil kada bulan depende sa ila balanse, magluwas sa P2,400 nga monthly rent.
Kun indi ang mga ini makabayad, posible nga sila ang masiraduhan sa masunod nga tuig.
Suno sa konsehal, madamo sang luyag nga magrenta ukon makaangkon sang pwesto sa Manokan Country.
Magluwas diri, may ginrepresentar man ang SM nga public-private partnership apang wala pa sila nakapasa sang official proposal.
Ini ang magaagi pa sa deliberasyon sa Sangguniang Panlungsod kag may mga patigayunon pa negosasyon antes mahibaluan kun ini ang madayon.
