Children program nga “Bananas in Pymajas” ukon sanday B1 kag B2, magabalik sa telebisyon

Makilala na sang bag-o nga henerasyon ang duha ka mainabyanon kag may maayo nga tagipusuon nga sanday B1 kag B2 bangud magabalik na sa telebisyon ang pambata nga programa nga “Bananas in Pymajas”.

Gin-anunsyar sang isa ka broadcast network sa ila nga social media post ang reboot sang tv show kag ginpasalig ang mga tagasuporta nga magapabilin ang “playful spirit” sini.

Ang reboot ang nangin posible bangud nag-anunsyar ang Australian government nga paga-pondohan nila sang tatlo ka tuig ang nasambit nga kid’s show.

Suno sa screen director nga si Jennifer Collins, ang dugang nga pondo ang dako gid nga bulig sa pagbalik sang show para sa mga bag-o nga henerasyon.

Madumduman nga ginpagwa ang tv show sang 1992 tubtob 2001 kag nangin masanyog sa kabug-usan nga kalibutan kag ginrevive bilang computer animation series sang 2011 nga naglawig sang duha ka tuig.

Ang kadalag-an sang “Bananas in Pyjamas” ang nagdangat sa nagkalain-lain nga pungsod kag gin-translate sa madamo nga lenggwahe lakip na diri ang Filipino.