Ginkumpirmar sang Armed Forces of the Philippines (AFP) nga natumod na nila ang gina-alegar Chinese handler sa likod sang tatlo ka Pilipino nga na-aresto bangud sa gina-alegar espionage nga suportado sang China.
Ginpakigbahin sang AFP ang pasaporte sang nasambit nga Chinese national nga ginapatihan nagpang-recruit kag nagakontrol sang mga informants.
Natukiban sang mga otoridad ang identity sang handler matapos ang tactical interrogation sa tatlo ka Pilipino nga nadakpan nga gina-alegar nagapagwa sang mga sensitibo nga impormasyon natuhoy sa rotation kag resupply operations sang Pilipinas sa West Philippine Sea.
Duha sa mga suspek ang sibilyan nga empleyado sang Philippine Navy kag Department of National Defense, samtang ang ikatatlo ang isa ka negosyante nga may malapit nga koneksyon sa isa ka opisyal sang Philippine Coast Guard.
