BACOLOD CITY — Makamamatay ang H5N1 virus ukon ang bird flu virus pananglitan maglaton ang kagaw gikan sa manok ukon pispis padulong sa tawo.
Ini ang ginpahayag ni Dr. Grace Tan, ang head sang Environmental Sanitation Division sang Bacolod City Health Office.
Paathag ni Dr. Tan, sa pihak nga wala pa sang kaso sa ciudad sang paglaton sang bird flu gikan sa manok ukon pispis padulong sa tawo, mangin daku ini nga problema kun matabo.
Ini bangud kaangay sang iban nga infection, ang pasyente ang makaeksperyensiya sang pag-ubo kag pagsakit sang tutunlan ukon kaangay nga ginatrangkaso.
Magapakita man ang pasyente sang mga sintomas sang pneumonia kag sa ulihi, mahimo mangin tunaan ini sang makatayon.
Sa sini, ginaabisuhan ni Dr. Tan ang publiko nga mangin mahinalungon, ilabi na ang mahiligon sa pag-uyat sang manok.
Ginapanugyan man sini ang pagluto sang maayo sang karne sang manok antes ini kaunon.
