BACOLOD CITY – Magabaton sang mid-year bonus ang mga empleyado sang ciudad sang Bacolod sa maabot nga Mayo 15, Lunes sa madason nga semana.
Santu sa Memorandum No. 83 nga pirmado si Mayor Evelio “Bing” Leonardia, ginpabutyag sang alkalde nga ang paghatag sang mid-year bonus ang bilang pagkilala sa maayo nga pagtrabaho kag dedikasyon sa serbisyo sang mga empleyado sang city government.
Magaserbe man ini nga bulig para sa kagastuhanan sang mga ginikanan para sa ila estudyante nga mga kabataan subong nga nagahilapit na ang abre-klase.
Ang paghatag sang mid-year bonus ang nagasantu sa nasaad sa Budget Circular No. 2016-3 nga ginpirmahan sadtong Abril 28, 2016.
Ang mga empleyado sang city government makabaton sang mid-year bonus nga katumbas sang isa ka bulan nila nga sweldo.
