Ginsiguro sang chairperson sang Committee on Environment and Ecology sa Sangguniang Panlungsod sa ciudad sang Bacolod nga may yara sang nagakaigo nga numero sang personnel nga gindeploy sa festival sites sang Masskara Festival.
Sa interview sang Bombo Radyo Bacolod kay Councilor Homer Bais, may yara sang gindeploy nga street cleaners sa Lacson St, Bacolod City Public Plaza, Paglaum Sports Complex, Arena and Street dance competition, kag Bacolod City Government Center.
Suno diri, madamo sang nakuha nga basura kag nag-assist man diri ang IPM Construction and Delevelopment Corporation agud matrasnport ang basura sa sanitary landfill sa Brgy Felisa.
Nangin madasig man ang pagsunod sang Bacolod Environment and Natural Resources Office (BENRO) sa paglimpyi sa arena kun diin ginpatigayon ang Arena dance competition.
Ginpasalamatan ni Bais ang tanan nga nagtrabaho sa natapos lang nga Masskara Festival 2025.
