Nagbalik na ang Coast Guard Station Negros Occidental sa idalom sang Coast Guard District Western Visayas nagikan sa Coast Guard District Southern Visayas.
Suno kay Coast Station-Negros Occidental chief Commander Ludovico Librilla, ang Coast Guard Station Negros Occidental lang ang wala nagbalik sa Coast Guard District Western Visayas matapos nga gin-abolish ang Negros Island Region (NIR).
Suno kay Librilla, ang Philippine National Police Regional Office ang nagbutang man sang regional office sa Negros Island sadtong Mayo 29, 2015 apang sang gin-abolish ang NIR, nagbalik man sila sa Western Visayas.
Ang mga personnel sang Coast Guard District Southern Visayas ang yara na sa idalom sang Coast Guard District Western Visayas nga ginapamunuan ni Commodore Alan Corpuz samtang si Captain Eduardo De Luna naman ang magabalik sa national headquarters.
Nahibaluan nga naabolish ang NIR sadtong August 9, 2017.
