May bag-o na nga pinuno ang Philippine Coast Guard- Station Northern Negros Occidental matapos nga ginpatigayon ang turn-over ceremony sa headquarters sang Coastguard- Station Northern Negros Occidental sa Barangay Banago, Bacolod City, kahapon, Nobyembre 24.
Gindesignar bilang bag-o nga commander sang Philippine Coastguard Northern Negros Occidental si Commander Jay Terazona nga nagbulos kay Commander Jansen Benjamin.
Ginpangunahan ni Coast Guard District Southern Visayas commander Commodore Ludovico Librilla Jr. ang turn-over ceremony.
Si Commander Benjamin naman ang magaschooling.
Sa interview sang Bombo Radyo Bacolod kay Coast Guard District Southern Visayas commander Commodore Ludovico Librilla Jr., natigayon na ang turn-over ceremony kag may mga changes man sila nga ginapatigayon indi lamang sa Northern Negros kundi pati naman sa Negros Oriental kag Siquijor.
Suno kay Librilla ang changes ang ginahimo bangud nga bag-o pa lang naactivate ang Coast Guard District Southern Visayas.
Ginalantaw man nga magapatigayon sang rotation sang mga substation commander sang Philippine Coast Guard sa Negros Island Region.
