Nagpagwa ang Coast Guard Station Southern Negros Occidental sang Sea Travel Advisory kahapon agud nga isuspend ang island hopping sa area of responsibility sini.
Sa interview sang Bombo Radyo Bacolod Coast Guard Lt. Junior Grade Carla M. De Guzman, commander sang Coast Guard Station Southern Negros Occidental, nagsige ang ulan kahapon sa Southern Negros bangud sa Typhoon Aghon gani nagpag gwa sila sang sea travel advisory.
Suno kay De Guzman, ang sea travel advisory ang agud isuspend ang ginapatigayon nga island hopping bangud wala man sang passenger vessels nga ginacater ang Coast Guard Station Southern Negros Occidental.
Nagpanugyan man ini sa mga magagmay nga mangisngisda nga likawan lang anay ang pagpalawod agud malikawan ang mga wala ginapaabot nga insidente sa kadagatan.
Ginpaalimton man sini nga ang mga emergency numbers ang posted naman sa facebook page sang Coast Guard Station Southern Negros Occidental ingkaso nga kinahanglanon.
