Ginpasalig sang Commission on Elections nga magapadayon ang ila preparasyon para sa Barangay and Sangguniang Kabataan Elections apisar nga ginpaiway ini nagikan sang una nga adlaw sang Disyembre subong nga tuig kag ginhimo nga Nobyembre 2, 2026.
Suno kay COMELEC Chairman George Erwin Garcia, indi mauntat ang operasyon sang poll body apisar nga ginpermahan na ni President Ferdinand Marcos Jr. ang layi nga naga-extend sang termino sang mga opisyal sang barangay kag Sangguniang Kabataan nagikan sa tatlo tubtob sa apat ka tuig.
Suno kay Garcia, padayon ang preparasyon kaangay sang Bangsamoro Parliamentary Elections sa Oktubre 13, 2025, bangud posible pa ini nga kwestiyunon sa Korte Suprema.
Samtang, aminado ang Comelec nga wala sila sang may mahimo sa gintalana nga petsa kag madayon ang Eleksyon apisar nga ini ang mangin kadungan sang Undas.
