Naga-panawagan ang commander sang Task Force Kasanag National sa gobyerno, publiko, kag mangin sa rebelde nga grupo nga mag-ugyon para sa kalinong para sa pungsod Pilipinas.
Ini ang nangin patas nga pahayag ni John Chong bangud suno sa iya, isa lang man ang gin-singgitan kag gina-pakigbato sang tanan, ang reporma.
Ginpahayag ni Chong nga luyag sang tanan ang reporma sa hustisya, kag reporma sang pang-gobyerno rason nga ini ang istoryahan sang matawhay sang gobyerno kag sang makawala nga grupo apang indi lang pag-ipaagi sa armed struggle.
Suno man kay Chong, imbis nga komentaryohan nga “pigaw” ang mga kapulisan kag suldado, ini sila ang buligan na lang paagi sa kooperasyon sang publiko bangud ginahimo man sang mga otoridad ang tanan para sa kalinong sang pungsod.
Gina-respeto man ni Chong ang panindugan kag hibubun-ot sang New People’s Army bangud suno sa task force commander, wala gin-gusto sang mga NPA nga mangin rebelde kun indi bangud sa pila ka mga “maalam” nga tawo nga amo ang naga-sulsol sa ila nga kontrahon ang gobyerno.
Gin-depensahan man sini ang Philippine Army. Suno kay Chong, “very gentleman” ang mga suldado sa diin wala siya sang may nakita nga may ginlapas ang tropa sang gobyerno sa anu man nga layi sang Human Rights.
