Ginpatpat ni Negros Occidental 3rd District Congressman Javier Miguel Benitez ang rason kun ngaa wala ini nagperma sa manifest of support kay House Speaker Martin Romualdez.
Suno sa kongresista, isa sa rason sa wala sini pagperma amo nga bag-ohanon pa lamang siya sa Kongreso gikan sa pagka-alkalde sa ciudad sang Victorias.
Dugang pa sini, sa pagbukas sang congress nagpabutyag na siya sang suporta sa House Speaker kag sa karun yara pa man siya sa majority group.
Suno kay Benitez, nagapati siya nga dapat may yara sang accountability kag development sa Kamara.
Suno pa diri, humalin pa sadto nakit-an na sini nga madamo sang manifest of support apang sa tion nga may kontra na, madamo man sang pagbag-o sa desisyon.
Gin-athag man sini nga wala sang official nga deklarasyon halin sa iya amay nga si Bacolod City Lone District Congressman Alfredo Benitez nga magpapili bilang House Speaker.
Nakita man sini sa karun nga kaangay ginafocusan ang Negros Island Region sa ginaduso nga pagsuporta kay Romualdez bangod ang amay sini ginahambal nga isa ka contender para sa pwesto.
