Nalakip si Negros Occidental 3rd District Representative Francisco “Kiko” Benitez sa tatlo ka mga Kongresista sa Western Visayas nga kabahin sa mga top performers sa House of Representatives sang 2023 suno sa survey.
Ang RP-Mission Development Foundation, Inc. (RPMD) “Boses ng Bayan” survey ang ginpatigayon halin Disyembre 27, 2023 tubtob Enero 5, 2024 kag ini ang naga-evaluate sa performance sang mga kongresista sa Western Visayas.
Sa resulta sang survey, nagpanguna ang pangalan nanday Representative Jam Baronda sang Iloilo City, Representative Kiko Benitez sang Negros Occidental kag Representative Lorenz Defensor sang Iloilo province, bangod sa ginpakita nga serbisyo kag dedikasyon sa pagbulig sa ila nga mga constituents.
Si Baronda ang nakakuha sang 92.9 percent ratings, 92.6 percent kay Benitez samtang 92.5 percent naman kay Defensor.
Sa survey, gina-assess ang tatlo ka key performance area nga ginalakipan sang district representation, legislative accomplishments kag kalidad sang serbisyo sa constituents
Magluwas sa tatlo nga nagpanguna, nakakuha man sang high-performance ratings sanday Representative Antonio Legarda Jr sang Antique nga may 89.3 percent ratings kag Juliet Marie Ferrer sang Negros Occidental sa 88.7 percent para sa second place.
Third place naman sanday Mercedes Alvarez sang Negros Occidental kag Ma. Lucille Nava sang Guimaras samtang fourth place naman si Janette Garin sang Iloilo kag fifth place sanday Teodorico Haresco Jr. sang Aklan kag Michael Gorriceta sang Iloilo.
Magluwas sa mga ginhatagan sang rankings, may mga gindayaw man bangod sa ila serbisyo kaangay kanday Alfredo Marañon III sang Negros Occidental, Boboy Tupas sang Iloilo, Greg Gasataya sang ciudad sang Bacolod, Ferjenel Biron sang Iloilo kag Dino Yulo sang Negros Occidental.
Positibo man ang rate nga ginhatag sang mga constituents nanday Carlito Marquez sang Aklan, Jane Castro sang Capiz, Gerardo Valmayor Jr. sang Negros Occidental kag Tawi Billones sang Capiz.
