Ginsaylo na sang organizer sang Miss Universe Philippines 2026 ang ila nga coronation night.
Imbes nga sa Mayo 1, ginsaylo nila ini sa Mayo 2 kag ini ang patigayunon sa gihapon sa Mall of Asia Arena.
Paathag sang organizers nga ila ginsaylo ang petsa halin sa Biyernes kag ginhimo nga Sabado agud nga may nagakaigo sila nga tion agud nga magpreparar kag masiguro nga mangin madinalag-on ang pagpatigayon sang programa.
Ginpasiguro man sang organizers nga ila nga batunon ang mga tickets kag magapabilin sagihapon ang seating arrangement para sa nasambit nga event.
May yara sang 50 ka mga nabilin nga contestants matapos nga mag-atras si Kalibo, Aklan representative Imelda Schweighart.
Ginpatigayon kahapon, Abril 12 ang swimsuit competition samtang sa Abril 16 naman ang National Costume competition kag closed door interviews naman sa maabot nga Abril 19.
