BACOLOD CITY – Nakahanda ang Sangguniang Panlungsod sang Bacolod nga magbulig sa imbestigasyon sa gin-alegar paghatag sang proteksyon sang isa ka konsehal sa illegal gambling operations, partikular sang jai alai.
Suno kay Vice-Mayor El Cid Familiaran, presiding officer sang konseho sang Bacolod, pagatalakayon niya sa caucus sang SP ang kaangtanan sang isa ka konsehal nga gin-alegar may initials nga R.N. sa illegal gambling operations.
Ginpabutyag sang bise-alkalde nga ang nasambit nga alegasyon ang wala lamang nagaapekto sa reputasyon sang natungdan nga konsehal kundi subong man sa bug-os nga konseho.
Apang sa personal sini nga panan-aw, indi magpati si Vice-Mayor Familiaran nga may kamatuoran ang ginaakusar sa natungdan nga konsehal.
Suno kay Familiaran, nakaupod niya ini kag tuman kalayo sang ginapasibangod sa iya ikumparar sa pamatasan sini.
