Gincite-in-contemt si Government Contractor Curlee Discaya samtang gindagdagan naman sang show cause order ang iya asawa nga si Sarah Discaya bangod sa lainanay nga rasun nga ginpahayag kun ngaa absent si Sarah sa hearing.
Una nga gindagdagan sang showcause order si Sarah matapos nga wala ginbatun sa Senate hearing sang Blue Ribbon Committee ang iya rasun sa indi pagtambong sa hearing.
Nagtambong sa hearing ang iya bana nga si Curlee Discaya, apang una sini ginpahayag nga absent ang iya asawa bangod ini ang may ginabatyag nga heart complications.
Apang nakapadala sang sulat si Sarah kay Senate Blue Ribbon Committee chairperson Senator Ping Lacson nga nagapahayag nga siya ang may pre-scheduled meeting rasun nga siya ang indi makatambong sa meeting.
Sang ginpamangkot sa paathag, nagsabat si Curlee nga matuod nga may ginasuprer nga hypertension kag diabetes si Sarah, kag siya ang may maintenance nga bulong.
Apang ang sabat ang ginkwestyon naman ni Senator Risa Hontiveros bangod lain ang heart condition sa hypertension kag diabetes.
Luwas kay Sarah Discaya, ginpropose man ni Senator Rodante Marcoleta nga mashowcause sanday DPWH Usec. Maria Catalina Cabral kag Justice Secretary Crispin Remulla sa indi pagtambong sa hearing.
Kasunod sini, ginduso ni Senator Raffy Tulfo nga macontempt si Curlee bangod sa maathag sini nga pagbinutig.
