DA, nagpasalig nga proteksyunan ang mga lokal nga produkto sa pagpatuman sang open market kag zero-tariff sa mga produkto sang America

Nagpasalig ang Department of Agriculture (DA) nga padayon nga proteksyunan sang ahensya ang mga lokal nga produkto sa agrikultura kaangay sang bugas, mais, kalamay, manok, isda, kag karne sang baboy sa nagapadayon nga tariff negotiation sa tunga sang Pilipinas kag Estados Unidos.

Suno kay DA Secretary Francisco Tiu Laurel Jr., ginhatagan pagtamod nanday Secretary Frederick Go kag Trade Secretary Cristina Roque nga ang kaayuhan sang mga lokal nga mangunguma kag mangingisda amo ang nagapanguna nga prayoridad sang Pilipinas.

Ini matapos nga ginpahayag ni U.S. President Donald Trump nga nagpasugot ang Pilipinas sa 19% nga taripa sa ila mga eksport kabaylo sang duty-free access para sa mga produkto sang Amerika.