Ginpili sang Dallas Mavericks ang 6-foot-9 small forward nga si Cooper Flagg bilang No. 1 overall pick sa 2025 National Basketball Association (NBA) draft.
Si Flagg ang nagahampang sang college basketball sa Duke University, siya ang nakabaton sang pila ka award kaangay sang National college player of the year (2025), Consensus first-team All-American (2025), USA Basketball Male Athlete of the Year (2022), kag iban pa.
Sa karun, siya ang 18 anyos pa lamang apang nahimo sini makipagsabayan sa mga mas may edad sa iya nga player.
Antes ang NBA draft, nauyatan sini ang average nga 19.2 points per game, 7.5 rebounds per game kag 4.2 assists per game.
Nahimo niya man nga magposte sang 1.4 steals per game samtang narehistro sini ang 31 mins nga paghampang a hardcourt.
Sa pagsulod sini sa Dallas Mavericks, makaupod sini ang mga batikan nga NBA player kag mga NBA champion nga sanday Anthony Davis, Klay Thompson, kag Kyrie Irving nga nagapaayo sa karun sang iya nga Achilles injury.
