Naghingyo si Davao City Rep. Paolo “Pulong” Duterte sang travel clearance kay House Speaker kag Isabela Representative Faustino “Bojie” Dy III para sa two-month trip sa 17 ka pungsod halin sa Disyembre 15 tubtob Pebrero 20, 2026.
Sa letter nga ginpadala sini sa House Speaker sang Disyembre 1, ginpahayag sang mamalidha nga plano niya nga magkadto sa Hong Kong, China, Malaysia, Indonesia, South Korea, Japan, Singapore, Vietnam, Cambodia, United States, Australia, United Kingdom, Germany, France, Belgium, Italy, kag sa Netherlands, kun diin nakadetaine ang iya amay nga si anay President Rodrigo Duterte.
Suno kay Duterte, personal nga kwarta ang gamiton sa iya nga byahe kag wala sang may matandog nga pondo sang gobyerno.
Nagpangayo man siya sang permiso nga makasulod kag makapartisipar sa plenary sessions kag virtual meetings samtang yara sa gwa sang pungsod.
