Ginmanduan ni President Ferdinand “Bongbong” Marcos Jr. ang Department of Budget ang Management (DBM) kag ang Department of Public Works and Highways (DPWH) nga magpatigayon sang sweeping review sa budget sang ahensya para sa fiscal year 2026.
Ang direktiba sang Presidente ang matapos ginbuyagyag nanday Deputy Speaker Ronaldo Puno kag Marikina Representative Marcelino Teodoro nga may mga kwestiyonable nga programa nga nalakip sa 2026 national budget.
Suno kay Palace Press Officer USec. Claire Castro, ginapasiguro sang Presidente nga ang mga kwestiyonable nga insertions sa national budget ang pagahukson paagi sa errata.
Luyag man ni Marcos nga ang mga pagahimuon nga pagbag-o sa 2026 budget sang DPWH ang masiguro nga may transparency kag accountability.
Ginapasiguro man sini nga ang mga proyekto nga nasulod sa 2026 national budget ang mapuslan sang mga pumuluyo.
