Ginpahayag ni former senator Leila de Lima nga si former President Rodrigo Duterte ang yara sa likod sang pagpamatay sa war on drugs sa idalom sang iya termino.
Sa House Committee on Human Rights hearing on drug war killings sa tion sang administrasyon ni Duterte, ginpahayag ni De Lima nga wala ini sang pagpangduha-duha nga si former President Duterte ang mastermind, instigator kag inducer sang drug war killings.
Suno diri, dapat nga si Duterte ang maprosecute kag magconvict kag dapat magpabilin ini sa prisuhan tubtob sang siya ang nagakabuhi.
Si De Lima kag former Philippine National Police (PNP) chief Oscar Albayalde ang nagpakita bilang isa sa mga resource persons sa committee hearing sang Lunes.
Sa idalum sang termino ni Duterte, si Albayalde ang nagserbi bilang PNP chief humalin sang Abril 2018 tubtob Oktubre 2019 kag regional director man sang National Capital Region Police Office humalin Hulyo 2016 tubtob Abril 2018.
Suno kay House Committee on Human Rights Chairperson Bienvenido Abante Jr, ang presensya sang mga personalidad nagikan sa duha ka bahin ang nagapakita nga ang komitiba ang fair kag patas.
