Nagfile si Senator Robin Padilla sang isa ka hagna nga nagaduso sang pagpahanugot sang death penalty para sa mga suspetsado sang sexual assault kag violence kag ginpahayag nga dapat mas mangin makusog ang mga layi sa karun.
Ang Senate Bill 2777 ni Padilla ang may tunutuyo nga magpatuman sang mas mabug-at nga penalidad sa sexual assualt paagi sa pagpakusog sang Anti-Rape Law of 1997 kag ini ang mangin punishable by death sa idalum sang tuman kalala nga mga sirkumstansya.
Sa idalum sang hagna, ang penalidad nga “reclusion perpetua to death” ang sarang nga ma-apply sa masunod nga mga kaso: kun ang rape ang ginkomiter gamit ang isa ka makamamatay nga armas sang duha ukon masobra pa nga persona; kun ang biktima ang nagbuang bangud sa rape; kun ang rape ang gintuyo kag nakomiter ang homicide sa krimen; kun nakomiter ang rape sa maskin ano nga aggravating ukon qualifying circumstances sa article.
Si Padilla ang madugay na nga naga-advocate sang revival sang death penalty para sa pila ka mga kaso.
